Har zal morgen deze gedichten voordragen tijdens onze uitzending. Ik ben zo vrij geweest me te laten inspireren en uit mijn eigen fotobestanden toepasselijke beelden gezocht.
GLEUJE
Doe verpoeadjes mich
in diene laevesgaard
midde
op dien bèste stökske zelf
woea dien zón
mich mèt wónjerwäörd verwörmdje
Ich slurpdje dien straole
wie werm modermèlk
en
mien kaoj knuuek
begóste opnuuj te gleuje
Dor tek goeaje weer sjuue
die wie vuuerzichtigste vingers
aan reikendje henj
dich
durve ómerme en kösse
En tösse mien sjoelendje blajer
maaks dich noe dien nèsje
MISSE
Stilstaondj op ’t strandj
zeen ich de wie zieë
en dink aan dich
guns
aan de uueverkantj
Veuldje ich in mien handj
mer ein traon oet dien ouge
van leefdje of verdreet
of
heel ich dich mer vas
aan ein vaemke van diene jas
Det waas mich lever
es hie die ganse zieë
’t Is mer vuuer ’n jaor of twieë
zags se
In de gaard bluje de blome
en de kese zeen al riep
Ich wil ze dich waal gaeve
mer mien handj reiktj neet zoea wied
GENAEZE
Es den de nach
vuuergood zien zwarte kleier
haet aangedaon
mer
ich dich blief zeuke
in de doeadloupendje
paedjes van mien zeel
kan ich
in eder laeg plek in hoes
dich nog laeze
en
zeen ich ’t verlees
in droum genaeze
BERMMONUMENT
Doe stuis d’r nog stevig langs dae drökke waeg
zwiegs rechtop de hemel in
die paar kratse lètte dich neet
Mer de vaas, ’t kruutske, de branjendje kaes
en de foto in ‘t graas
vertèlle sjuuere van deep verdreet
Woearóm, woearóm, woearóm
zoeaväöl vraoge – mer geine daoróm
Es dae angere wage …
Es ein menuut later …
Es ’t neet …
Wie dèk nog deze stille waeg
mèt vese blome en noew kaes
Wie lang nog dit kruuts
Culturele verbinder en publiciteit.
Art, Radio and cult on Araemaekers's Blog 